پی ٹی آئی رہنما علی زیدی کو گرفتار کرلیا گیا

مہر خبررساں ایجنسی نے جیو نیوز سے نقل کیا ہے کہ پی ٹی آئی رہنما فرخ حبیب نے کہا ہے کہ علی زیدی کو سندھ پولیس نے گرفتار کیا ہے۔ ان کا کہنا تھا کہ پی ٹی آئی سندھ کے دفتر سے علی زیدی کو گرفتار کیا گیا ہے۔ 

ادھر ترجمان پی ٹی آئی سندھ کا کہنا ہے کہ رہنما پی ٹی آئی کو پولیس اہلکار اپنے ساتھ لے گئے۔ترجمان پی ٹی آئی سندھ کے مطابق دفتر پر غیر قانونی چھاپے اور صوبائی صدر کی گرفتاری کی مزمت کرتے ہیں۔

ان کا کہنا تھا کہ علی زیدی پی ٹی آئی سندھ سیکریٹریٹ میں تنظیمی عہدیداران سے ملاقات کر رہے تھے۔انہوں نے کہا کہ اہلکاروں نے علی زیدی کو گرفتار کرکے نامعلوم مقام پر منتقل کیا۔ان کا کہنا تھا کہ اہلکار جاتے وقت دفتر کچھ افراد کے موبائل فونز بھی ساتھ لے گئے۔